Prej vitesh shqiptarët presin të përfundojnë 22 kilometrat e një autostrade të re, e cila shmang rrugën e vjetër kombëtare që lidh Fierin me qytetin e Vlorës.<br /><br />Që të kalosh përmes segmentit të vjetër, të duhen minimalisht 40 minuta. Gjate sezonit të verës, trafiku i rënduar nga pushuesit që frekuentojnë plazhet e jugut dhe rruga e ngushtë u kushton udhëtarëve disa orë dhe qindra aksidente.<br /><br />Kjo tablo do t?i përkasë të shkuarës në pak javë. By Pass-i i Fierit, që do ta evitojë rrugën e vjetër është drejt përfundimit. Në 9 kilometrat e para të drejtimit që lidh Vlorën me Fierin ka përfunduar hedhja e asfaltit dhe po përgatitet shtrimi edhe për 11 kilometra të tjera.<br /><br />?Punimet për By ?Pass-in e Fierit nisën në vitin 2011 dhe tani pas 8 vitesh do të hapet njëra korsi e kësaj rruge, e cila do të lidhë mjetet direkt me autostradën Levan ? Vlorë.?<br /><br />Sonila Qato, drejtore e Autoritetit Rrugor Shqiptar thotë se këtë sezon turistik, qytetarët do të udhëtojnë përmes autostradës së re, 22 kilometra të gjatë. Karrexhata në njërin krah do të hapet brenda muajit Qershor.<br /><br />Inxhinierët e kompanisë ?Combined Group?, e cila do të përfundojë segmentin kundrejt një vlere prej 38 milionë eurosh, thonë se terreni fushor dhe me prani të shumta uji ka patur vështirësi inxhinierike. Edhe shiu i ditëve të fundit është bërë pengesë.<br /><br />Por të gjithë të sigurojnë se korsia e anës së majtë do të jetë gati brenda 30 Qershorit. Drejtorja e Autoritetit Rrugor thotë se punimet janë riskeduluar dhe po përgatitet plani i menaxhimit të trafikut kur të hapet korsia për mjetet e lehta.<br /><br />Korsitë janë të gjera 3.75 metra. Në muajin Shkurt të vitit të ardhshëm autostrada do të hapet e gjitha në të dy krahët. Ajo do të jetë e pajisur dhe panele mbrojtëse për të evituar erën e fortë që rreh këtë segment.<br /><br />Faza më intensive e punimeve është përqendruar në dy urat e fundit. Ajo e Pojanit ka përfunduar, ndërsa po shtrohen trarët te ura Semanit.<br /><br />?Jemi në kilometrin e dytë e të by-pass-it të Fierit. Mbrapa meje është ura e Semanit, ndërsa një kilometër më poshtë ndodhet ura e Hoxharës. Këto janë dy veprat më të rëndësishme infrastrukturore të këtij segmenti. Punimet janë duke ecur me intensitet dhe urat po përgatiten për hedhjen e betonit.?<br /><br />Edhe në urën e Hoxharës punimet janë drejt përfundimit. Trarët janë shtruar dhe po përgatitet hedhja e betonit.<br /><br />Të dy urat bëjnë lidhjen me rrethrrotullimin e Mbrostarit që lidh by?pass-in me Autostradën Fier ? Lushnjë. Pas hapjes së rrugës, mjeteve do t?u lejohet një shpejtësi deri në 120 km/h dhe koha për të udhëtuar drejt autostradës Levan - Vlorë shkon në 15 minuta.<br /><br />Tv Klan
